پاکستان کا خرلاچی اور انگور اڈہ بارڈرز بھی کھولنے کا فیصلہ

طورخم، غلام خان اور چمن برڈرز کے بعد حکومت پاکستان نے خرلاچی اور انگور اڈہ کی سرحدات بھی کھولنے کا فیصلہ کر لیا۔

افغانستان کیلئے پاکستان کے خصوصی مندوب محمد صادق کے مطابق افغانستان کے ساتھ تجارت کے فروغ کے لئے انگور اڈہ اور خرلاچی کے بارڈر پوائنٹس بھی کھولنے کا فیصلہ کر لیا گیا ہے۔

انہوں نے کہا کہ دونوں اطراف سے ضروری انتظامات کے بعد یہ پوائنٹس 12جولائی سے کھول دیئے جائیں گے۔

یاد رہے کہ طورخم، چمن اور غلام خان بارڈر پوائنٹس 22 جون سے کھول دیئے گئے ہیں۔