شمالی وزیرستان میں سکیورٹی فورسز کے ساتھ جھڑپ کے دوران 2 دہشت گرد ہلاک

Share on facebook
Share on google
Share on twitter
Share on linkedin

شمالی وزیرستان کے سب ڈویژن میرعلی میں پاک آرمی اور دہشت گردوں کے درمیان جھڑپ میں 2 دہشت گرد ہلاک ہوگئے۔

سرکاری ذرائع کے مطابق پاک آرمی نے خفیہ اطلاع ملنے پرعلاقے بی چی کسکئ میں ایک گھر پر چھاپہ مارا جہاں جھڑپ کے دوران 2 حملہ آور ہلاک ہوگئے جبکہ پاک آرمی کو کوئی جانی نقصان نہیں پہنچا۔ بعد ازاں سکیورٹی فورسز نے لاشوں کو اپنی تحویل میں لے کرہسپتال منتقل کردی۔

خیال رہے کہ رواں ماہ کی 27 تاریخ کو شمالی وزیرِستان میں پاک-افغان سرحد پر اپنے فرائض کی انجام دہی کرنے والے سیکیورٹی اہکاروں پر افغانستان سرحد سے حملہ کیا گیا تھا جس کے نتیجے میں 6 جوان شہید ہوگئے تھے۔

پاک فوج کے شعبہ تعلقات عامہ آئی ایس پی آر کی جانب سے جاری کردہ بیان کے مطابق دہشت گردوں کی جانب سے یہ حملہ افغانستان کے علاقے گردیز سے کیا گیا تھا اور شہید ہونے والوں میں حوالدار خالد، سپاہی نوید، سپاہی بچل ، سپاہی علی رضا سپاہی محمد بابر اور سپاہی احسن شامل تھے۔