خیبر پختونخوا کی سطح پر رویت ہلال کمیٹی کا اجلاس طلب

Share on facebook
Share on pinterest
Share on twitter
Share on linkedin
Share on whatsapp

مضان المبارک کا چاند دیکھنے کیلئے مرکزی کمیٹی کی طرح صوبہ خیبر پختونخوا کی سطح پر زونل رویت ہلال کمیٹی کا اجلاس بھی آج بروز جمعرات مورخہ 23 اپریل 2020 کو بمقام دفتر ایڈمنسٹریٹر اوقاف، خیبر پختونخوا، عید گاہ چارسدہ روڈ پشاور میں منعقد ہوگا۔

زونل رویت ہلال کمیٹی کے ارکان چاند کی رویت کے حوالے سے شہادتیں موصول کرنے کیلئے نماز عصر کے بعد رات دیر تک موجود رہیں گے اور کوئی بھی شہادت موصول ہونے کے بعد مرکزی رویت ہلال کمیٹی کے ساتھ رابطہ کرکے پیش کریں گے۔

رویت ہلال سے متعلق شہادتوں کی معلومات کو مزید بہتر طریقے سے زونل رویت ہلال کو موصول ہونے اور کورونا وائرس کی وباء کے احتیاطی تدابیر کو یقینی بنانے کیلئے ایڈمنسٹریٹر اوقاف، خیبر پختونخوا کی جانب سے صوبہ بھر کے محکمہ اوقاف کے تمام ضلعی و تحصیل خطباء کو علاقائی سطح پر رویت ہلال کے اجلاس منعقد کرانے کے بارے میں خصوصی ہدایات جاری کی جاچکی ہیں۔