شمالی وزیرستان میں ایک سکیورٹی اہلکار جاں بحق

Share on facebook
Share on pinterest
Share on twitter
Share on linkedin
Share on whatsapp

ضلع شمالی وزیرستان میں عسکریت پسندوں کی فائرنگ سے نائیک عادل شہزاد جاں بحق ہوگئے جبکہ فائرنگ کے تبادلے میں 2 دہشت گرد بھی مارے گئے۔

پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان کے علاقے دتہ خیل میں سیکیورٹی فورسز نے عسکریت پسندوں کے خلاف کارروائی کی۔

آئی ایس پی آر نے بتایا کہ عسکریت کے درمیان فائرنگ کے تبادلے میں نائیک عادل شہزاد جاں بحق ہوگئے جبکہ 2 دہشت گرد بھی مارے گئے۔ آئی ایس پی آر کا کہنا ہے کہ 32 سالہ عادل شہزاد مانسہرہ کے گاوں کریڑ کا رہائشی تھا۔

خیال رہے کہ 11 اپریل کو بھی شمالی وزیرستان میں عسکریت پسندوں کے خلاف کارروائی میں 2 جوان بھی جاں بحق ہوگئے تھے۔