پشاور زلمی کا خیبرپختونخوا کے ڈاکٹرز کیلئے 60 ہزار سرجیکل ماسک کا تحفہ

Share on facebook
Share on google
Share on twitter
Share on linkedin

پشاور زلمی کے چیرمین جاوید آفریدی کی وزیر اعلی خیبر پختونخواہ محمود خان سے ملاقات کی ہے اور زلمی فاونڈیشن کی جانب سے خیبر پختونخواہ کے ڈاکٹرز کے لیے 60 ہزار سرجیکل ماسک وزیر اعلی کے حوالے کیے۔

علاوہ ازیں زلمی فاؤندیشن کی جانب سے خیبر پختونخواہ کے ڈاکٹرز اور طبی عملے کے لیے 100 وائرس پراٹیکٹر سوٹس بھی وزیر اعلی کے حوالے کیے گئے۔

خیال رہے کہ حال ہی میں پشاور زلمی کے چیئرمین جاوید آفریدی نے وزیراعظم کو 1 کروڑ روپے کا چیک دیا تھا۔

ملاقات میں جاوید آفریدی نے وزیراعظم کو بریفنگ دیتے ہوئے بتایا کہ اگلے ہفتے ایک چارٹر طیارہ کرونا وائرس سے متعلقہ میڈیکل آلات لے کر پاکستان پہنچے گا، علاوہ ازیں انہوں نے ہائر پاکستان کی جانب سے دو لاکھ ماسک بھی وزیراعظم کو پیش کئے۔