جزوی لاک ڈاؤن، لنڈیکوتل میں تجارتی مراکز بند، سڑکیں سنسان

Share on facebook
Share on google
Share on twitter
Share on linkedin

خیبر پختونخوا حکومت کے احکامات پر کورونا وائرس کے ممکنہ خطرات کے پیش نظر لنڈی کوتل بازار میں تجارتی مراکز مکمل بند ہیں جبکہ عوام کو ریلیف دینے کے لئے گھروں کے لئے کھانے کا سامان سبزی، گوشت، فروٹ، چکن، کریانہ سٹور، آٹا چکی اور میڈیسن و دیگر اشیاء خورد نوش کی دکانیں کھلی رہیں باقی بازار مکمل بند رہا۔

اس حوالے سے ضلعی انتظامیہ کے اسسٹنٹ کمشنر محمد عمران اور ایڈیشنل اسسٹنٹ کمشنر شمس الاسلام نے لنڈی کوتل کے تمام عوام اور تاجروں کو حکومت کے اس فیصلے سے آگاہ کر دیا اور تمام عوام کو کورونا وائرس سے بچنے کے لئے اپنے گھروں تک محدود رہنے کی اپیل کی تاکہ کورونا وائرس کا روک تھام بروقت ممکن ہوسکے اور عوام کی مشکلات میں کمی آجائے۔