ٹانک سے تعلق رکھنے والی خاتون کمانڈو یو این مشن کیلئے منتخب

Share on facebook
Share on google
Share on twitter
Share on linkedin

خیبر پختونخوا کے ضلع ٹانک سے تعلق رکھنے والی لیڈی کمانڈو گل نثا کو اقوام متحدہ کے امن مشن کے لئے منتخب کرلیا گیا۔

24 سالہ گل نثا کا تعلق ٹانک کے دورافتادہ قصبے ونڈہ زلو ہے جسے یواین مشن کے لئے کے پی پولیس کی جانب سے پاکستان کی نمائندگی کا اعزاز حاصل ہوگا۔

گل نثا اپنے علاقے کی واحد خاتون ہیں جو پہلی بار اقوام متحدہ کے امن مشن میں جائیں گیں جبکہ گزشتہ پانچ سال سے ایلیٹ فورس کی لیڈی کمانڈو گل نثا ڈیرہ اسماعل خان میں فرائض سر انجام دے رہی ہیں۔

گل نثا نے خیبر پختونخوا پولیس کو 2012 میں جوائن کیا جب صوبے میں دہشت گردی کی کارروائیاں جاری تھیں تاہم شدت پسندوں کے ڈر کے باجود بہادر خاتون نے کے پولیس کو جوائن کر کے اپنے علاقے کا نام روشن کیا.

گل نثا سال 2015 میں ایلیٹ فورس کے دستے کا حصہ بنیں جس کے بعد کے پولیس کی جانب سے انہیں ڈیرہ اسماعیل خان میں تعینات کردیا گیا۔

ٹرائبل پریس سے بات چیت کرتے ہوئے گل نثا کا کہنا تھا کہ میری پچپن سے خواہش تھی کہ پولیس کو جوائن کروں، جس کے لئے میں نے تعلیم حاصل کی اور دن رات محنت کر کے اس مقام پر پہنچی، اقوام متحدہ کے مشن پر منتخب ہونے کے لئے میں نے پہلے مقابلے کا امتحان پاس کیا،.

انہوں نے کہا کہ میں نے شوٹنگ مقابلے میں بھی کامیابی ملی جبکہ ڈرائیونگ میں بھی مجھے یو این ٹیم نے سلیکٹ کر لیا اور مجھے فخر ہے کہ ٹانک کی بیٹی اقوام متحدہ میں ملک و قوم کا نام روشن کرے گی۔