پشاور میں نیا پاکستان سکیم کے تحت رجسٹریشن شروع

Share on facebook
Share on google
Share on twitter
Share on linkedin

خیبرپختونخوا حکومت نے پشاور میں جون کے مہینے سے نیا پاکستان ہاوسنگ سکیم پر باقاعدہ اغاز کا اعلان کیا ہے۔

محکمہ ہاوسنگ سے جاری کردہ بیان کے مطابق پشاور میں ہاوسنگ سکیم کے تحت پہلے مرحلے میں سوڑیزئی کے علاقے میں 16 ہزار سستے گھر تعمیر کئے جائیں گے۔ سکیم سے فائدہ اٹھانے کے خواہش مند 15 مارچ سے شروع کئے جانے والے مہم میں ممبرسازی کرسکتے ہیں جبکہ گھروں پر تعمیراتی کام کا آغاز جون کے مہینے سے ہوگا۔

اظہار اسلام آباد میں پاکستان ہاوسنگ فاونڈیشن کی جانب سے منعقدہ اجلاس کے دوران خیبرپختونخوا کے محکمہ ہاوسنگ کے سیکرٹری داود خان نے بریفنگ دیتے ہوئے کہا کہ ہاوسنگ سکیم کے لئے مرکزی شاہراہ سے سوڑیزی بالا تک دس کلومیٹر کی ڈوئل کیرج وے روڈ بھی تعمیر کیا جائیگا۔ اسی طرح سکیم کے لئے کنسلٹنٹ کی خدمات حاصل کرنے کا عمل اخری مراحل میں ہے، جبکہ پلاننگ اور ڈیزائن کا عمل اپریل تک مکمل کرلیا جائیگا۔

اجلاس میں ایم ڈی پاکستان ہاوسنگ فاونڈیشن طارق رشید، ڈی جی پروانشل ہاوسنگ اتھارٹی عمران وزیر اور دیگر حکام نے شرکت کی۔ اجلاس میں سوڑیزئی ہاوسنگ سکیم کے حوالے سے تفصیلی بات چیت کی گئی اور سکیم کے حوالے سے اب تک اٹھائے گئے اقدامات سے شرکاء کو آگاہ کیا گیا۔