بنگلہ دیش کی کرکٹ ٹیم لاہور پہنچ گئی

Share on facebook
Share on pinterest
Share on twitter
Share on linkedin
Share on whatsapp

بنگلہ دیش کی کرکٹ ٹیم ٹی ٹوئنٹی سیریز کھیلنے کے لیے لاہور پہنچ گئی۔ بنگلہ دیش کی ٹیم خصوصی طیارے کے ذریعے علامہ اقبال انٹرنیشنل ایئرپورٹ پہنچی ہے۔

محمود اللہ کی قیادت میں لاہور پہنچنے والی بنگلہ دیش کی کرکٹ ٹیم کا استقبال پاکستان کرکٹ بورڈ (پی سی بی) کے حکام نے کی۔ مہمان ٹیم کو انتہائی سخت سیکیورٹی حصار میں ہوٹل پہنچایا گیا۔

مہمان ٹیم لاہور میں تین ٹی ٹوئنٹی میچوں کی سیریز کھیلے گی۔ پہلا میچ 24 جنوری کو قذافی اسٹیڈیم لاہور میں کھیلا جائے گا جب کہ دوسرا 25 اور تیسرا 27 جنوری کو کھیلا جائے گا۔

طے شدہ پروگرام کے تحت ٹی ٹوئنٹی کی سیریز کھیلنے کے بعد مہمان ٹیم اپنے وطن واپس لوٹ جائے گی اور پھر سات سے گیارہ فروری کے درمیان راولپنڈی میں ایک ٹیسٹ میچ کھیلنے کے لیے دوبارہ پاکستان آئے گی۔