جمرود پریس کلب کی نو منتخب کابینہ کی تقریب حلف برداری

Share on facebook
Share on pinterest
Share on twitter
Share on linkedin
Share on whatsapp

جمرود پریس کلب کے نومنتخب کابینہ اراکین سے وزیر اطلاعات خیبرپختونخوا شوکت یوسفزئی نے حلف لیا، حلف برداری کے موقع پرصوبائی وزیر اطلاعات شوکت یوسفزئی نے پریس کلب کیلئے دس لاکھ روپے گرانٹ کا اعلان کردیا۔ت

قریب میں صدر جمرود پریس کلب کے صدر ظاہر شاہ آفریدی اور جنرل سیکرٹری عارف آفریدی نے شوکت یوسفزئی روایتی قلع لونگی پہنائی۔

تقریب سے خطاب کرتے ہوئے شوکت یوسفزئی نے کہا کہ قبائلی اضلاع کے صحافیوں نے سخت وقت میں صحافت کرکے علاقائی مسائل کو حکام تک پہنچائے جس میں انہوں نے جانوں کی قربانیاں بھی دیں جس پر ہم ان کو خراج تحسین پیش کرتے ہیں۔

انہوں نے کہا کہ حکومت قبائیلی اضلاع سمیت پورے صوبے کے صحافیوں کے مسائل حل کے لیے سنجیدہ ہے۔

وزیراطلاعات نے کہا کہ صحافت ریاست کا چوتھا ستون ہے اور معاشرے کے آنکھ کان ہوتے ہیں جبکہ عوام اور حکومت کے درمیان پل کا کردار ادا کررہی ہے۔

انہوں نے کہا کہ جمرود پریس کلب کے نو منتخب عہدیداروں کے ساتھ تعاون کا سلسلہ جاری رہے گا اس لیے عہدیداران کو چاہئے کہ علاقے کا بہتر امیج دنیا کو دکھائے۔