لنڈی کوتل حوالات سے دو قیدی فرار

ضلع خیبر کے تحصیل لنڈی کوتل حوالات سے دو افغان قیدی فرار ہو گئے۔

پولیس کے مطابق ملزمان کو گزشتہ روز طورخم سرحد پر اسلام آباد پولیس نے گرفتار کرکے لنڈی کوتل پولیس کے حوالے کیا تھا۔

حکام کا بتانا ہے کہ ملزمان اسلام آباد پولیس کو مختلف مقدمات میں مطلوب تھے۔

پولیس کا کہنا ہے کہ رات گئے ملزمان لنڈی کوتل حوالات سے فرار ہو گئے جن کی گرفتاری کے لیے کوششیں کی جا رہی ہیں۔