لنڈی کوتل ہسپتال کی کیمسٹری اینالائزر اور ہیماٹالوجی مشینیں خراب، مریض رُل گئے

Share on facebook
Share on google
Share on twitter
Share on linkedin

ڈسٹرکٹ ہیڈ کوارٹر ہسپتال لنڈی کوتل کے لیب کی کیمسٹری اینالائزر اور ہیماٹالوجی مشینیں عرصہ دراز سے خراب پڑی ہیں جس کے باعث غریب مریضوں کا شدید مشکلات کا سامنا کرنا پڑرہا ہے۔

مشینوں کی خرابی کے باعث مریض پرائیویٹ لیبارٹریوں سے مہنگے داموں شوگر، یورین، کولیسٹرول اور دیگر اہم ٹیسٹ کرانے پر مجبور ہیں۔

مریضوں نے مشینوں کی خرابی پر عوامی نمائندوں کے نمائشی دوروں اور پراسرار خاموشی پر تشویش کا اظہار کرتے ہوئے حکام سے جلد از جلد مشینیں ٹھیک کرنے کا مطالبہ اور بصورت دیگر احتجاج کی دھمکی دیدی۔

دوسری جانب لیبارٹری میں ذمہ دار محکمہ صحت کے اہلکار نے بتایا کہ اس مشین کا بار بار مطالبہ کیا ہے لیکن تاحال شنوائی نہیں ہوئی، ان کا کہنا تھا کہ دونوں مشینوں کی قیمت تقریبا 8 لاکھ روپے ہے۔