حکومت نے عید سے قبل پیٹرول کی قیمت میں بڑا اضافہ کردیا

وفاقی حکومت کی جانب سے عید سے قبل پٹرول کی قیمت میں بڑا اضافہ کردیا گیا جبکہ ڈیزل کی قیمت میں کمی کی گئی ہے۔

تفصیلات کے مطابق حکومت نے پیٹرولیم مصنوعات کی قیمتوں میں ردوبدل کا اعلان کردیا ہے۔ عوام پر مزید بوجھ ڈالتے ہوئے پٹرول 9 روپے 66 پیسے فی لٹرمہنگا کردیا گیا ہے۔

اس کے علاوہ ڈیزل کی قیمت میں بھی تبدیلی کرتے ہوئے اس کی قیمت میں 3 روپے 32 پیسے فی لیٹر کمی کی گئی ہے۔

پٹرول کی قیمت میں اضافے اور ڈیزل کی قیمت میں کمی کا نوٹی فکیشن جاری کردیا گیا ہے جس کا اطلاق یکم اپریل رات 12 بجے سے ہوجائے گا۔

جاری کردہ نوٹیفکیشن کے مطابق پیٹرول کی نئی قیمت 289 روپے 41 پیسے جبکہ ڈیزل کی نئی قیمت282 روپے 24 پیسے ہوگئی ہے.

مٹی کا تیل 2 روپے 27 پیسے فی لیٹر سستا کر دیا گیا، مٹی کے تیل کی نئی قیمت 186 روپے 39 پیسے فی لیٹر مقرر کی گئی ہے۔

اس کے علاوہ لائٹ ڈیزل کی قیمت میں 38 پیسےفی لیٹرکی کمی کی گئی جس کے بعد لائٹ ڈیزل کی نئی قیمت 167 روپے 80 پیسے فی لیٹر مقرر کی گئی ہے۔