پاکستان کا غزہ میں فوری جنگ بندی کیلئے سیکیورٹی کونسل کی قرارداد کا خیرمقدم

پاکستان کی جانب سے غزہ میں فوری جنگ بندی کیلئے سیکیورٹی کونسل کی قرارداد کا خیرمقدم کیا گیا ہے۔

تفصیلات کے مطابق پاکستانی دفترخارجہ نے اپنے بیان میں کہا کہ سلامتی کونسل کی قرارداد پر تیزی سے عمل درآمد کا مطالبہ کرتے ہیں۔ ترجمان دفترخارجہ نے کہا کہ قرارداد میں ماہ رمضان میں غزہ میں فوری جنگ بندی کا مطالبہ کیا گیا ہے۔

ترجمان نے کہا کہ غزہ میں انسانی امداد کی فراہمی اور شہریوں کا تحفظ یقینی بنانے کے مطالبے کا بھی خیرمقدم کرتے ہیں۔

پاکستان نے متعدد بار اسرائیل کی جانب سے طاقت کے اندھا دھند استعمال کی مذمت کی۔ امید ہےاسرائیل کے وحشیانہ حملے ختم ہونگے اور مستقل جنگ بندی کو یقینی بنایا جاسکے گا۔

دفترخارجہ نے کہا کہ امید ہے غزہ میں سنگین انسانی صورتحال سے نمٹنے میں مدد ملے گی۔ پاکستان جون 1967 سے قبل سرحدوں کی بنیاد پر فلسطین ریاست کی حمایت جاری رکھے گا۔