صدر عارف علوی کی آرمی چیف جنرل سید عاصم منیر سے ملاقات

صدر مملکت عارف علوی نے آرمی چیف جنرل سید عاصم منیر سے ملاقات میں انھیں کو عہدہ سنبھالنے پر مبارکباد دی۔

تفصیلات کے مطابق صدر عارف علوی سے چیف آف آرمی سٹاف جنرل سید عاصم منیر کی ملاقات ہوئی ، ملاقات ایوان صدر اسلام آباد میں ہوئی۔

صدر مملکت عارف علوی نے چیئرمین جوائنٹ چیفس آف اسٹاف کمیٹی جنرل ساحر شمشاد مرزا سے بھی ملاقات کی۔

ملاقاتوں کے دوران صدر مملکت ڈاکٹر عارف علوی نے چیف آف آرمی اسٹاف عاصم منیر اور چیئرمین جوائنٹ چیف آف آرمی اسٹاف کمیٹی جنرل ساحر شمشاد مرزا کو اپنے عہدے کا چارج سنبھالنے پر مبارکباد دی۔

یاد رہے وزیراعظم شہباز شریف نے آرمی چیف عاصم منیر سے ٹیلیفونک رابطہ کرکے انہیں ذمہ داریاں سنبھالنے پر مبارکباد دی تھی۔

واضح رہے گزشتہ روز جنرل ہیڈ کوارٹرز (جی ایچ کیو) میں منعقدہ ایک پروقار تقریب میں جنرل عاصم منیر نے جنرل قمر جاوید باجوہ سے پاک فوج کی کمان سنبھالی تھی۔