حکومت کا سیلاب زدہ علاقوں کیلئے ڈونر کانفرنس کرنےکا فیصلہ

حکومت نے سیلاب زدہ علاقوں کی بحالی کیلئےڈونر کانفرنس کرنےکا فیصلہ کیا ہے۔

تفصیلات کے مطابق وزیراعظم کی زیرصدارت متاثرہ افراد کی مدد اور بحالی سےمتعلق اجلاس ہوا جس میں وزیراعظم نے متعلقہ اداروں کو ایمرجنسی بنیادوں پر کام کرنےکی ہدایت کی۔

وزیراعظم شہبازشریف نے مخیرحضرات سے دل کھول کرعطیات جمع کرانےکی اپیل کی ہے۔ وزیر اعظم نے 40ہزار خیمے اور 1لاکھ راشن پیکٹ متاثرہ علاقوں میں بھیجنےکی ہدایت کی ہے۔

وزیراعظم کا کہنا ہے کہ عالمی اداروں کوسیلاب کی تباہ کاریوں پر بریفنگ دی جائے اور عالمی اداروں کوریلیف اور بحالی کی کاوشوں سےآگاہ کیا سیلاب زدہ علاقوں کی بحالی کیلئےہنگامی بنیادوں پر اقدامات کیےجائیں۔

دسرے جانب کنگ سلمان ریلیف سنٹر نے پاکستان میں سیلاب سے متاثرہ افراد کیلئے امداد روانہ کردی ہے۔

تفصیلات کے مطابق سیلاب سے متاثرہ افراد کیلئے غذائی ضروریات کو پورا کرنے کے لیے کنگ سلمان ریلیف سینٹر سے فوڈ پیکیج کا تیسرا امدادی قافلہ روانہ کیا گیا ہے، ہنگامی امداد کے تحت 950 ٹن ضروری اشیائے خوردونوش کے 100 ٹرک روانہ کردیے۔

رپورٹ کے مطابق 950 ٹن ضروری اشیائےخوردونوش کے 100 ٹرک روانہ کیے گئے ہیں، 10 ہزار فوڈ پیکیج تمام صوبوں کے 17 اضلاع کے متاثرین میں تقسیم ہونگے، سامان میں 80 کلو آٹا، 5 لیٹر کوکنگ آئل، 5 کلو چینی اور 5 کلو دال چنا شامل ہے۔

کنگ سلمان ریلیٖف سینٹر کی جانب سے بھیجا گیا سامان نیشنل ڈیزاسٹر مینجمنٹ اتھارٹی (این ڈی ایم اے) اور مقامی حکومت کے تعاون سے تقسیم کیا جائے گا، اس غذائی پیکیج سے 70 ہزار سے زائد متاثرین مستفید ہوں گے۔