قبائلی ضلع مہمند، 65 سال پرانی دشمنی دوستی میں بدل گئی

Share on facebook
Share on google
Share on twitter
Share on linkedin

قبائلی ضلع مہمند کی تحصیل حلیم زئی میں 65 سال سے جاری دشمنی دوستی میں بدل گئی، فریقین نے قرآن پاک پر حلف اٹھاتے ہوئے ایک دوسرے کو معاف کر دیا۔

نمائندہ ٹی این این کے مطابق حلیم زئی سنگر کلے کے مقام پر حاجی میرک شاہ اور ماؤس خان کے درمیان 65 سال سے دشمنی چلی آرہی تھی تاہم جرگہ ممبران ملک مہربان شاہ، ملک اورنگزیب، ملک ممتاز اور شاہ سید کی کوششوں سے دونوں فریقین کو راضی کرکے اُن کے درمیان صلح کروادی۔

فریقین نے سینکڑوں لوگوں کے سامنے قرآن پاک درمیان میں رکھ کر ایک دوسرے کے ساتھ دوستی اور بھائی چارے کی زندگی گزارنے کا وعدہ کیا۔

جرگہ ممبران اور علاقے کے لوگوں نے فریقین کو دیرینہ دشمنی کو دوستی میں تبدیل ہونے پر مبارکباد دی ۔