حج کیلیے کتنے پاکستانیوں نے درخواست جمع کروادی؟

Share on facebook
Share on pinterest
Share on twitter
Share on linkedin
Share on whatsapp

پاکستان میں سرکاری حج اسکیم کے تحت بینکوں میں حج 2022 کے لیے درخواستیں جمع کروانے کا عمل جاری ہے۔

وزارت مذہبی امور و بین المذاہب ہم آہنگی کے مطابق سرکاری حج اسکیم کے تحت اعلان کردہ تاریخ کے دو روز میں اب تک 14 ہزار سے زائد درخواستیں جمع کروائی جاچکی ہیں۔

آفیشل ٹوئٹر اکاؤنٹ پر جاری بیان میں وزارت کا کہنا ہے کہ بینکوں کے ذریعے سرکاری حج اسکیم میں درخواستیں جمع کرانے کا عمل جاری ہے دو دن میں 14،247 حج درخواستیں موصول ہوئی ہیں۔

جوائنٹ سیکرٹری حج کا کہنا ہے کہ درخواست جمع کروانے والے لیے سپورٹ، ہیلتھ سرٹیفیکٹ، سعودی منظور شدہ ویکسین سرٹیفیکیٹ، ٹوکن رقم جمع کرانا لازمی ہے تاہم سعودی عرب سے لازمی حج اخراجات کی تفصیل موصول نہیں ہوئی۔

واضح رہے کہ حج درخواستوں کی وصولی 9 مئی سے شروع ہوئی ہے، جو 13 مئی تک نامزد 14 بینکوں میں جمع کرائی جائیں گی، 15 مئی کو حج درخواستوں پر قرعہ اندازی ہوگی، ہر درخواست کے ساتھ 50 ہزار روپے ٹوکن جمع کرانا لازمی ہے۔

گورنمنٹ حج 2022 کے لیے سرکاری اسکیم کا حج پیکج ابھی تک جاری نہیں ہو سکا ہے، وزارت مذہبی امور نے سعودی تعلیمات نہ آنے کی وجہ سے آن لائن درخواستوں کی وصولی شروع کر دی تھی۔

اس سال سرکاری اسکیم کے تحت حج اخراجات 7 سے 10 لاکھ روپے ہو سکتے ہیں، نجی حج اسکیم کے تحت حج کوٹہ کا فیصلہ تاحال نہیں ہوا ہے، نجی حج ٹور آپریٹرز کے ذریعے حج اخراجات 14 لاکھ یا اس سے بڑھ سکتے ہیں۔