عمران خان نے برفانی چیتے کی نایاب فوٹیج ٹوئٹ کر دی

Share on facebook
Share on pinterest
Share on twitter
Share on linkedin
Share on whatsapp

وزیر اعظم عمران خان نے جب سے وزارت عظمیٰ کا منصب سنبھالا ہے، اگرچہ ملک کی مجموعی معیشت پر ان کی بہت زیادہ توجہ ہے، لیکن سیاحت ایک ایسا شعبہ ہے جو ان کی اوّلین ترجیح رہی ہے۔

جب وہ 2018 کا عام انتخاب جیت کر حکومت بنا رہے تھے، یہ وہ وقت تھا جب پاکستان میں امن و امان کی صورت حال کی وجہ سے سیاحت کا شعبہ بری طرح متاثر تھا، ایسے میں عمران خان نے اقتدار میں آ کر اس شعبے کو نئے سرے سے استوار کرنا شروع کر دیا۔

دنیا بھر کے سیاحوں کو پاکستان کے نہایت خوب صورت شمالی علاقوں کی طرف راغب کرنے کے لیے ان کی حکومت نے نہ صرف سیاحتی مقامات کو ڈیولپ کیا بلکہ امن و امان کی صورت حال کو بھی بہتر بنایا

انہوں نے لکھا ہے کہ ملک کا سیاحتی شعبہ ترقی کر سکے، اور اس سلسلے میں بالخصوص پی ٹی آئی حکومت نے مذہبی سیاحت کو فروغ دیا۔

آپ کو یاد ہوگا کہ وقتاً فوقتاً وزیر اعظم عمران خان شمالی علاقہ جات سے متعلق تصاویر اور ویڈیوز ٹوئٹ کرتے رہے ہیں، ان کا مقصد سیاحتی شعبے کو تقویت دینا ہوتا ہے۔

آج بھی پچیس دسمبر یوم قائد اعظم اور کرسمس کے موقع پر انھوں نے ایک ٹوئٹ کیا ہے، جس میں انھوں نے پاکستانی علاقوں میں موجود ایک نایاب برفانی چیتے کی ویڈیو شامل کی ہے۔

وزیر اعظم نے گلگت بلتستان میں خپلو کے مقام پر موجود برفانی چیتے کی ایک نایاب فوٹیج ٹوئٹ کی، جس میں نایاب چیتے کو دیکھا جا سکتا ہے۔

برفانی چیتا برف سے ڈھکے پہاڑ کی ڈھلان پر موجود ایک بڑی چٹان کے سائے میں کچھ دیر کھڑا نظر آتا ہے اور پھر نیچے کی طرف چلا جاتا ہے۔