اسکردو ایئرپورٹ کوعالمی معیار کے ہوائی اڈے کا درجہ

Share on facebook
Share on pinterest
Share on twitter
Share on linkedin
Share on whatsapp

اسکردو ایئرپورٹ کوعالمی معیار کے ہوائی اڈے کا درجہ دے دیا گیا

ساڑھے7 ہزار فٹ بلندی پر قائم اسکردو ایئرپورٹ کوعالمی معیار کے ہوائی اڈے کا درجہ دے دیاگیا ، کل سے بین الاقوامی فلائٹس اسکردو ایئرپورٹ پر لینڈ کرسکیں گی۔

تفصیلات کے مطابق وزیراعظم کے سیاحت کو فروغ دینے کے ویژن کے فروغ کیلئے سول ایوی ایشن اتھارٹی نے اسکردو ایئرپورٹ کوعالمی معیار کےہوائی اڈے کا درجہ دے دیا۔

سی اے اے کا کہنا ہے کہ 2 دسمبر سے بین الاقوامی فلائٹس کو خوش آمدید کہہ سکیں گے۔

یاد رہے رواں سال مارچ میں سیاحت کے فروغ کیلئے سول ایوی ایشن نے احسن اقدام کرتے ہوئے اسکردو ایئرپورٹ پرانٹر نیشنل فلائٹ آپریشن شروع کر نے کا فیصلہ کرتے ہوئے ایئرپورٹ کو عالمی پروازوں کیلئے فعال بنانے کی ہدایت کی تھی۔

خیال رہے سات ہزار فٹ بلندی پر قائم اسکردوائیرپورٹ دنیا کے چند بلند ترین اورخوبصورت ایئرپورٹس میں شمار کیا جاتا ہے جبکہ ائیرپورٹ کو لائف لائن اور k2 کا گیٹ وے بھی کہا جاتا ہے۔