وزیر اعظم کی زیرصدارت حکومت کا گرینڈجرگہ آج ہوگا

Share on facebook
Share on pinterest
Share on twitter
Share on linkedin
Share on whatsapp

وزیر اعظم عمران خان کی زیرصدارت حکومت کا گرینڈ جرگہ آج ہوگا۔

ذرائع کے مطابق وزیراعظم عمران خان کی زیرصدارت ہونے والے گرینڈ جرگے میں پی ٹی آئی کور کمیٹی، تین صوبوں کےگورنر اور وزرائے اعلیٰ کو طلب کیا گیا ہے، اس کے علاوہ وفاقی وزرا اورپارٹی سیکریٹری جنرل کو بھی طلب کیا گیا ہے۔

ذرائع کا کہنا ہے کہ گرینڈ جرگے میں وزیراعظم اہم ملکی اور قومی امورپر مشاورت کریں گے، پبلک اکائونٹس کمیٹی کے حکومتی اراکین کو بھی آج ملاقات کی ہدایت کی گئی ہے،ذرائع کا کہنا ہےکہ بعض اراکین کی تبدیلی کابھی امکان ہے۔

واضح رہے کہ گذشتہ وزیر مملکت زرتاج گل اور ملک امین اسلم کے درمیان گلاسگو کانفرنس میں لڑائی کے بے بنیاد الزام پر وزیراعظم نے سخت برہمی کا اظہار کرتے ہوئے پبلک اکاونٹس کمیٹی میں حکومتی ارکان کی فہرست پر نظر ثانی کا فیصلہ کیا تھا۔

ادھر وزیر مملکت زرتاج گل اور ملک امین اسلم کے درمیان لڑائی کی خبروں پر ریاض فتیانہ کی پبلک اکاؤنٹس کمیٹی کی رکنیت بھی خطرے میں پڑ گئی ہے جبکہ انہیں پارٹی کی احتساب و انضباطی کمیٹی کی تحقیقات کا بھی سامنا ہے۔

وزیراعظم نے گزشتہ روز بھی حکومتی ارکان میں لڑائی کے الزام کو بے بنیاد قرار دیا تھا ، وزیر اعظم نے وزرا کو خود آگاہ کیا تھا کہ پاکستان نے کوپ 26 میں شاندار کامیابیاں سمیٹیں ہیں۔