پاکستان میں گیس کے نئے ذخائر دریافت

Share on facebook
Share on pinterest
Share on twitter
Share on linkedin
Share on whatsapp

پاکستانیوں کے لیے خوشخبری ہے کہ ملک میں گیس کے نئے ذخائر دریافت ہوئے ہیں۔

آئل اینڈ گیس ڈیولپمنٹ کمپنی لمیٹڈ (او جی ڈی سی ایل) کے مطابق بلوچستان کے ضلع کوہلو میں گیس کے نئے ‏ذخائر دریافت کیے گئے ہیں۔ ‏

او جی ڈی سی ایل کا کہنا ہے کہ جندران ایکس۔ون کنویں سے یومیہ 2.391 ملین مکعب کیوبک فٹ گیس ‏دریافت ہوئی ہے۔

جندران ویسٹ کنویں کو 1627 میٹر گہرائی تک کھودا گیا تھا۔ او جی سی ایل نے 19 مئی 2021 کو جندران کنواں ‏ایکس۔ون کی کھدائی شروع کی تھی۔ ‏

او جی ڈی سی ایل کا کہن اہے کہ ملک میں تیل و گیس کے ذخائر کی تلاش کوششیں تیز کیئے ہوئے ہیں جندران ‏ویسٹ ایکس۔ ون کنواں کی دریافت سے ملک میں گیس کی بڑھتی ھوئی ضروریات کو پورا کرنے میں مدد گار ‏ثابت ہو گی۔ ‏

حکام کے مطابق او جی ڈی سی ایل جندران ویسٹ ایکس ۔ ون بلاک میں 100 فیصد حصہ کی مالک ہے یہ ‏دریافت ملک کے ہائیڈرو کاربن ریزرو بیس میں اضافہ کرے گی۔ ‏