حکومت پاکستان کا خوردنی اشیاء کے 17 ٹرک افغان حکام کے حوالے

Share on facebook
Share on pinterest
Share on twitter
Share on linkedin
Share on whatsapp

حکومت پاکستان نے انسانی بنیادوں پر خوردنی اشیا سے لدے 17 ٹر ک افغان حکام کے حوالے کردیئے ، اشیا میں چینی، دالیں، ٹا وغیرہ شامل ہیں‌۔

تفصیلات کے مطابق پاکستان کی جانب سے تین سو ٹن خوردنی اشیا سے لدے 17ٹر ک افغان حکام کے حوالے کردیئے گئے تاکہ طورخم بارڈر کے ذریعے فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) کی جانب سے حکومت کے ایک اقدام کے تحت پڑوسی ملک کو انسانی بنیادوں پر مدد فراہم کی جا سکے۔

چیئرمین پی اے سی ایف نے بتایا کہ اشیا میں 65 ٹن چینی، 3 ٹن دالیں، 190 ٹن آٹا ، 11 ٹن کوکنگ آئل اور 31ٹن چاول شامل ہیں جبکہ سی 130جہازسے 32ٹن آٹا، 6 ٹن کوکنگ آئل اور 2ٹن ادویات کا انتظام کیا ہے۔

چیئرمین پی اے سی ایف کا کہنا تھا کہ افغان ہمارےمسلمان بھائی اورپڑوسی ہیں ، پاک افغان تعاون فورم ملک کے لوگوں کی مدد کے لیے قائم کیا گیا تھا۔

یاد رہے اس سے قبل تین سی 130 طیاروں سے کے ذریعے امداد سامان افغانستان پہنچایا جا چکا ہے ، امداد میں آٹا ، گھی اور بڑی مقدار میں ادویات شامل تھیں۔

دفتر خارجہ کے ترجمان نے کہا تھا کہ وزیر اعظم عمران خان کی ہدایات پر افغان عوام کو امدادی سامان بھیجا گیا تھا جسے کابل ایئرپورٹ پر افغانستان میں پاکستانی سفیر منصور احمد خان نے وصول کیا۔