پناہ گاہ میں امریکی فوجیوں کی تصویر کی حقیقت سامنے آگئی

Share on facebook
Share on pinterest
Share on twitter
Share on linkedin
Share on whatsapp

وفاقی دارالحکومت اسلام آباد کی پناہ گاہ میں امریکی فوجیوں کی تصویر کی حقیقت سامنے آگئی۔

تفصیلات کے مطابق تحریک انصاف کے رہنما و سینیٹر فیصل جاوید نے اسلام آباد کی پناہ گاہ میں امریکی فوجیوں کی موجودگی کی تصویر پر شدید ردعمل کا اظہار کیا۔

سینیٹر فیصل جاوید نے تصویر کو جعلی قرار دیتے ہوئے قرآن پاک کی آیت کا ترجمہ پوسٹ کیا اور اپیل کرتے ہوئے کہا کہ احساس پناہ گاہ کو متنازع نہ بنائیں۔

ان کا کہنا تھا کہ پناہ گاہوں میں آنے والے دیہاڑی دار مزدوروں کی دل آزاری نہ کریں۔

واضح رہے کہ افغانستان سے غیرملکی افواج کے انخلا کے دوران کئی امریکی فوجی پاکستان پہنچے ہیں جہاں سے انہیں اپنے ملک روانہ کیا گیا اور اس کی تصدیق وفاقی وزیر اطلاعات فواد چوہدری نے بھی کی۔

گزشتہ روز ایک تصویر سوشل میڈیا پر وائرل ہوئی تھی، جس کے حوالے سے دعویٰ کیا گیا تھاکہ امریکی فوجی اسلام آباد کی پناہ گاہ میں موجود ہیں اور کھانا کھا رہے ہیں۔

یہ تصویر جعلی ہے اور اس کو فوٹو شاپ کیا گیا ہے، یہ تصویر 28 نومبر 2013 کو افغانستان کے بگرام ائیربیس میں ایک تقریب کی ہے۔