قبائلی اضلاع : 100 فیصد بچوں کی پولیو ویکسی نیشن کا دعویٰ

Share on facebook
Share on pinterest
Share on twitter
Share on linkedin
Share on whatsapp

محکمہ صحت خیبر پختونخوا کی رپورٹ میں صوبے کے قبائلی اضلاع باجوڑ، شمالی و جنوبی وزیرستان اور کرم میں سو فیصد بچوں کی پولیو ویکسینیشن کا دعویٰ کیا گیا ہے۔

محکمہ صحت خیبر پختونخوا کی رپورٹ کے مطابق حالیہ پولیو مہم کے دوران صوبے کے 5 اضلاع میں 100 فیصد جب کہ 13 اضلاع میں 98 فیصد پولیو ویکسنیشن کا ہدف حاصل کرلیا گیا ہے۔

قبائلی اضلاع نے خیبر پختونخوا کے بندوبستی علاقوں کو پیچھے چھوڑتے ہوئے سو فیصد پولیو ویکسنیشن کا ٹارگٹ کامیابی سے حاصل کرلیا جبکہ باجوڑ، شمالی اور جنوبی وزیرستان اور کرم میں 5 سال سے کم عمر کے سو فیصد بچوں کو پولیو سے بچاؤ کی ویکیسن کے قطرے پلائے گئے۔

اس کے علاوہ رپورٹ کے میں ضلع مہمند اور ہنگو میں 99 فیصد بچوں کو پولیو کے قطرے پلائے گئے.

رپورٹ میں دعویٰ کیا گیا ہے کہ پشاور میں 4 فیصد، ٹانک 5، ڈیرہ اسماعیل خان میں 7 فیصد بچے پولیو قطروں سے محروم رہے.

اس وقت صوبے میں 20 ہزار 752 والدین اپنے بچوں کو پولیو کے قطروں سے انکاری جب کہ 74 ہزار بچے پولیو مہم کے دوران گھروں میں نہ ہونے کی وجہ سے پولیو ویکسین سے رہ گئے۔