کورونا وائرس : چین کو پاکستانی چاول کی برآمدات بند

Share on facebook
Share on pinterest
Share on twitter
Share on linkedin
Share on whatsapp

بوریوں میں کورونا وائرس کی موجودگی کے باعث چین نے پاکستانی چاول کی درآمد بند کردی۔

سینیٹ کی قائمہ کمیٹی تجارت کا چئیرمین کمیٹی سینیٹر ذیشان خانزادہ کی زیر صدارت اجلاس منعقد ہوا، جس میں مشیر تجارت عبدالرازق داؤد نے شرکت کی۔

انہوں نے انکشاف کیا کہ چین کو پاکستانی چاول کی برآمدات بند ہو گئی ہیں، پاکستانی چاول کی بوریوں کے پیندے میں کورونا وائرس پایا گیا، چین ڈر گیا اور اس نے چاول کی پاکستان سے درآمد بند کر دی۔

ایگزیکٹو ڈائریکٹر کامرس نے بتایا کہ مچھلی کی چھ کمپینوں کی پیکنگ میں بھی کورونا وائرس پایا گیا، چین نے ان کی درآمد بھی بند کردی ہے.

انہوں نے کہا ہے کہ چاول کی بوری کے پیندے کے باہر ڈیڈ (مردہ) وائرس تھا جبکہ مچھلیوں کی پیکنگ کے باہر کورونا کے لائیو (زندہ) وائرس کی موجودگی پائی گئی۔

مشیر تجارت نے مزید بتایا کہ جنوری 2022 میں پاکستان موبائل کی برآمدات شروع کر دے گا، چینی کمپنی کے موبائل برآمد کرنا شروع کریں گے خواہش تھی کہ سام سنگ موبائل پاکستان آئے، اس سے دو بار کہا لیکن انھوں نے معذرت کی،.

انہوں نے کہا کہ کہ چینی کمپنی آگئی جو کراچی میں فیکٹری لگا رہی ہے، چھ ماہ تک سام سنگ موبائل نے معذرت کی، اب سام سنگ نے کہا ہے ہم فیکٹری لگانا چاہتے ہیں، لیکن ہم نے معذرت کی کہ آپ مواقع ضائع کر چکے ہیں۔