خیبر پختونخوا: او پی ڈیز میں مریضوں کیلئے کورونا ویکسینیشن سرٹیفکیٹ لازم قرار

Share on facebook
Share on pinterest
Share on twitter
Share on linkedin
Share on whatsapp

خیبر پختونخوا کے تمام ایم ٹی آئی اسپتالوں کی او پی ڈیز میں مریضوں کے لئے کورونا ویکسینیشن سرٹیفکیٹ دکھانا لازمی قرار دے دیا گیا۔

تفصیلات کے مطابق تمام ایم ٹی آئی اسپتالوں میں او پی ڈی اور ادارہ جاتی پریکٹس کے لئے رجوع کرنے والے مریضوں کے لئے کورونا ویکسینیشن سرٹیفکیٹ یا اس کے ثبوت فراہم کرنا لازم ہوں گے۔

اس سلسلے میں محکمہ صحت خیبر پختونخوا کی جانب سے باضابطہ سرکاری اعلامیہ جاری کردیا گیا ہے۔

اعلامیے کے مطابق تمام 18 سال اور اس سے زائد العمر افراد کے لئے او پی ڈی اور ادارہ جاتی پریکٹس کنسلٹیشن میں کورونا ویکسینیشن کروانے کے ثبوت فراہم کرنا لازمی ہوں گے،.

انہوں نے کہا ہے کہ مریضوں کے ساتھ تیمادار بھی کورونا ویکسینیشن کے ثبوت لازمی فراہم کریں گے۔ جن افراد نے ویکسینیشن نہیں کروائی ہوگی انہیں اسپتال میں کنسلٹیشن سے قبل مفت ویکسین لگائی جائے گی۔

اسی طرح 18 سال سے کم عمر افراد ماسوائے کورونا کی علامات کے حامل افراد کے ان شرائط سے مستشنی ہوں گے۔ ایسے 18 سال سے کم عمر کے افراد جن میں کووڈ 19 کی علامات ہونگیں ایسی صورتحال میں کووڈ اے جی آر ڈی ٹی یا پی سی آر رزلٹ مزید کنسلٹیشن کے لئے درکار ہوں گے۔