کورونا ویکسینیشن :19 سال سے زائد عمر کے کےلیے رجسٹریشن شروع

Share on facebook
Share on pinterest
Share on twitter
Share on linkedin
Share on whatsapp

پاکستان میں 19 سال اور اس سے زائد عمرکے افراد کی ویکسینیشن کےلیے رجسٹریشن کل سے شروع کرنےکا فیصلہ کیا گیا ہے۔

 وفاقی وزیر اسد عمر کا کہنا ہے نیشنل کمانڈ اینڈ آپریشن سینٹر (این سی او سی) اجلاس میں فیصلہ کیاگیا ہےکہ کورونا ویکسین کےلیے ماہرین صحت کی منظور کردہ آبادی کےلیے رجسٹریشن کل سے ہوگی۔

خیال رہے کہ اس سے قبل نیشنل کمانڈ اینڈ آپریشن سینٹر نے 30 سال اور اس سے زائدکی عمر کے افراد کے لیے کورونا ویکسی نیشن کا اعلان کیا تھا۔

 ملک بھر میں 30 سال سے زائد عمرکے افراد کو کورونا ویکسین لگنےکا سلسلہ جاری ہے اور اب 19 سال کی عمر کے افراد کی رجسٹریشن بھی شروع کردی گئی ہے۔

دوسری جانب معاون خصوصی برائے صحت ڈاکٹر فیصل سلطان نے عوام سے زیادہ سے زیادہ رجسٹریشن اور ویکسی نیشن کروانے کی اپیل کردی۔

معاون خصوصی صحت ڈاکٹر فیصل سلطان نے ماس ویکسینیشن سنٹر اسلام آباد کا دورہ کرتے ہوئے انتظامات کا جائزہ لیا۔

ڈاکٹر فیصل سلطان کا کہنا تھاکہ کورونا سے بچاؤکیلئے خصوصی اقدامات کے تحت ویکسی نیشن پلان پرعملدرآمد یقینی بنایا جارہا ہے، مقصد شہریوں کو ویکسین لگانے میں آسانیاں پیدا کرنا ہے۔