شمالی وزیر ستان: پاک آرمی کے زیر اہتمام مفت طبعی معائنہ

Share on facebook
Share on pinterest
Share on twitter
Share on linkedin
Share on whatsapp

پاک آرمی کے زیر اہتمام شمالی وزیرستان کے دور افتادہ علاقہ شہباز خیل میں فری میڈیکل کیمپ کا انعقاد مریضوں کا مفت طبعی معائنہ کیا گیا اور انہیں مفت ادویات فراہم کی گئیں

شمالی وزیر ستان کے شہریوں کو ان کے گھروں کی دہلیز پر صحت کی سہولیات مہیا کرنے کے لئے آیاز کوٹ اسکول شہباز خیل میں پاک فوج کی جانب سے ایک روزہ فری میڈیکل کیمپ کا انعقاد کیا گیا

میڈیکل کیمپ میں پاک آرمی کے ماہر ڈاکٹروں نے حصہ لیا جس میں 32 مرد،9 خواتین اور 72 بچوں کا مفت معائنہ کیا گیا

پاک آرمی کی جانب سے مریضوں کو مفت ادویات بھی فراہم کی گئیں جبکہ اس کے علاوہ بچوں میں مٹھائی اور اسکول سٹیشنری اور مستحق خاندانوں میں نقد رقم بھی تقسیم کی گئی

میڈیکل کیمپ میں موجود ڈاکٹروں ​کا کہنا تھا کہ فری میڈیکل کیمپ لگانے کا مقصد عوام کو ان کی گھروں کی دہلیز پر صحت کی سہولیات پہنچانا ہے تاکہ یہاں کہ شہری صحت کی سہولیات سے مستفید ہو سکیں

انہوں نے کہا کہ پاک آرمی مقامی قبائلیوں کے معیار زندگی کو بلند کرنے کے لئے ترجیحی بنیادوں پر عملی اقدامات اٹھا رہی ہے اور آج کا یہ فری میڈیکل کیمپ بھی انہی اقدامات کی ایک کڑی ہے

انہوں نے کہا کہ ایسے مذید فری میڈیکل کیمپوں کے انعقاد کو یقینی بنایا جائیگا

یاد رہے مقامی قبائلیوں نے فری میڈیکل کیمپ کے انعقاد پر پاک آرمی کا شکریہ ادا کیا۔