ضلع خیبر: تعیراتی کام سست روی کی وجہ سے مکینوں کی زندگی اجیرن

Share on facebook
Share on google
Share on twitter
Share on linkedin

ضلع خیبر تحصیل جمرود کے علاقے غنڈی مندو توکوتی میں ریماڈلنگ ورسک کنال منصوبہ پر تعیراتی کام سست روی کا شکار ہونے کے باعث علاقہ مکین شدید مشکلات سے دوچار ہیں۔

مقامی افراد کے مطابق جمرود کے علاقے غنڈی مندو توکوتی میں صوبائی حکومت کی طرف سے شروع کیا گیا ریماڈلنگ ورسک کنال منصوبہ پر تعمیراتی کام سست روی کا شکار ہے.

لوگوں کا کہنا ہے کہ یہ منصوبہ چار مہینے پہلے شروع ہو چکا ہے لیکن تا حال ابھی تک مکمل نہیں ہوا۔

منصوبے پر تعمیراتی کام کی وجہ سے سڑک کھنڈرات کا منظر پیش کررہی ہیں جسکی وجہ سے مقامی افراد کو امدروفت میں مشکلات کا سامنا ہے جبکہ بڑے بڑے گڈوں میں گاڑیاں گرنے کا خطرہ بھی موجودہیں۔

مقامی افراد کا کہنا تھا کہ روڈ خراب ہونے کی وجہ سے مریضوں ،سکول کے بچوں اور نوکر پیشہ افراد کو آمد ورفت میں مشکلات کا سامنا ہیں جبکہ گردوغبار کی وجہ سے مقامی افراد سینے کی امراض میں مبتلاء ہوچکے ہیں۔

انہوں نے کہا کہ محکمہ ایریگیشن حکام اور ٹھیکیدار نے علاقہ مکینوں کی زندگی اجیرن بنا دی ہے چار مہینوں سے کام شروع ہے لیکن آب تک مکمل نہیں ہوا جس کی وجہ سے سڑک میں بڑے گڈے بننے سے بچوں اور گاڑیوں کیلئے خطرے کا سبب بن سکتا ہے.

مقامی افراد کا کہنا ہے کہ کوئی ناخوشگوار واقعے سے پہلے حکومت ایکشن لے کر منصوبہ پر جلد سے جلد کام شروع کرکے تعمیراتی کام میں تیزی لائی جائے۔

واضح رہے کہ اس منصوبے کا سنگ بنیاد وزیر اعلیٰ خیبرپختونخوا محمود خان اور گورنر خیبرپختونخوا شاہ فرمان نے رکھا تھا۔